Түүхэн замнал
1993 он
АШУ-ны доктор, профессор, Монгол Улсын Хүний Гавьяат эмч Батын Эрдэнэчулууны санаачилгаар үүдэн эмнэлгийг байгуулав.
1997 он
“ЭМЖЖ” эмнэлгийг байгуулж, 15 ортой Мэс засал, хэвтүүлэн эмчлэх тасаг нээж, үйл ажиллагаагаа өргөжүүлэв.
2001 он
ХБНГУ-ын “Pro Acoustic” холбоотой хамтын ажиллагааны гэрээ байгуулж, Монгол улсад анх удаа акустик инженерүүдийг бэлтгэж, Сонсгол судлалын иж бүрэн кабинетыг нээн олон улсын стандартын дагуу сонсголын аппаратын тохируулга, засвар үйлчилгээ, сонсголын обьектив шинжилгээг хийж эхлэв.
2003 он
Магадлан итгэмжлэгдсэн анхдагч хувийн эмнэлгүүдийн нэг болов.
2005 он
“ЭМЖЖ” эмнэлэг 33 ортой, өөрийн байртай болж үйл ажиллагаагаа өргөжүүлэв.
2006 он
Монгол улсад анх удаа дунд чихний эмгэгтэй, сонсголын хүнд зэргийн бууралттай тохиолдлуудад сонсголын яс болон дөрөө ясыг ХБНГУ-ын “Heinz Kurz” титан протезоор солих мэс заслуудыг нутагшуулж, хагалгааны дараах сонсгол сайжралтыг нэмэгдүүллээ.
2006 он
Мөн байгалийн ногоон бүсэд эмнэлэг, сувиллын үйлчилгээ үзүүлэх, мэс заслын дараа нөхөн сэргээх, эрүүлжүүлэх, “ЭМЖЖ клиник сувилал”-ийг байгууллаа.
ЭМШУИС-ын төгсөлтийн өмнөх ба дараах сургалт, ЭМХТ-ийн төгсөлтийн дараах сургалтын бааз эмнэлэг болж, Чих, хамар, хоолойн үндсэн мэргэшлийн сургалт явуулдаг боллоо.
2007 он
ЭМШУИС-ын төгсөлтийн өмнөх ба дараах сургалт, ЭМХТ-ийн төгсөлтийн дараах сургалтын бааз эмнэлэг болж, Чих, хамар, хоолойн үндсэн мэргэшлийн сургалт явуулдаг боллоо.
2009 он
Австрали улсын “Cochlear”-фирмтэй албан ёсны дистрибьютерийн гэрээ байгуулж, сонсголын хүнд зэргийн бууралттай хүүхдүүдэд сонсгол оруулах “Дунгийн суулгац хагалгаа”-г Монгол улсад нэвтрүүллээ.
2011 он
Хамрын дурангийн мэс засал хийгдэж эхэллээ.
2014 он
Siemens фирмтэй албан ёсны дистрибьютерийн гэрээ байгуулж, Сонсголын аппарат болон дагалдах хэрэгсэл, тоног төхөөрөмжийг импортолж, үйл ажиллагаандаа нэвтрүүллээ.
2015 он
Италийн “LOFARM” Компанитай хамтран ажиллах гэрээ байгуулан “Хамрын харшлын шинжилгээ”, Риноманометрийн шинжилгээг нэвтрүүллээ.
2015 он
Хэл заслын багш нарыг бэлтгэж, “Дунгийн суулгац” мэс заслын дараах сонсгол сэргээх, хэл яриа үүсгэх, оюун ухааныг хөгжүүлэх зорилготой анхны ”Дун” цэцэрлэгийг байгууллаа.
2016 он
Тэнцвэрийн лабораторийг Монголд анх удаа байгуулж, CALORIC TEST болон VIDEO NYSTAGMО GRAPHY, Толгойн импульс тест (HIT), Тэнцвэрийн мэдрэлийн салааг шалгах (VEMP) шинжилгээнүүдийг нэвтрүүлж, дотор чихний гаралтай тэнцвэрийн үйл ажиллагаа алдагддаг олон эмгэгүүдийг ялган оношилж эхэллээ.
2017 он
Чихний дурангийн мэс заслыг өөрийн эмнэлэгт нутагшуулан хийж эхэллээ.
2018 он
Төвөнх, залгиурын кабинет шинээр байгуулж, залгиурын уян дурангийн оношилгоо, 3D хүзүүний хэт авиан оношилгоог шинээр нэвтрүүлэн төвөнх, залгиур, дуу авиа судлалын өвчний оношилгоог сайжрууллаа.
2019 он
БНСУ-ын компанитай хамтран Төрөлжсөн мэргэжлийн бүтэц үйл ажиллагаа MNS 6330:2017, Эрүүл мэндийн байгууллагын орчны эрүүл ахуйн шаардлага MNS6392:2013 стандартын шаардлагуудыг бүрэн хангасан орчин үеийн тоног төхөөрөмж бүхий, бүрэн вакум мэс заслын 2 заалтай боллоо.
2020 он
CBCT-рентген, компьютер томограф хосолсон аппаратыг Чих, хамар, хоолойн практикт Монгол улсад анх удаа нэвтрүүллээ.
2023 он
Үйлчлүүлэгчийн тав тухыг хангах зорилгоор олон улсын стандартад нийцүүлэн агаар сэлгэлтийг сайжруулж, дэвшилтэт технологи бүхий тоног төхөөрөмж, орчин үеийн интерьер дизайн бүхий заслыг хийж, эмнэлгийн барилгаа шинэчлэн тохижууллаа.